Hekk kif għaddew disa’ xhur minn mindu Robert Abela nħatar Prim Ministru, IT-TORĊA kkummissjonat studju xjentifiku mingħand l-istatistiku Vincent Marmara. Minnu jirriżulta b’mod ċar li l-Prim Ministru Robert Abela jgawdi fiduċja ta’ 52.9% waqt li l-Kap Nazzjonalista Bernard Grech igawdi fiduċja ta’ 24.1%. Dan jirriżulta meta jiġi applikat il-Multiple Imputation technique u b’hekk wieħed jipprova joħroġ ir-riżultat aktar ċar tar-riżultati finali ta’ dak li jista’ jiġri f’każ li ssir elezzjoni ġenerali għada.
Dwar jekk issir elezzjoni ġenerali għada, meta wieħed japplika mudell xjentifiku Multiple Imputation technique u b’hekk wieħed jipprova joħroġ ir-riżultat aktar ċar tar-riżultati finali ta’ dak li jista jiġri. B’hekk it-tbassir tar-riżultat f’każ ta’ elezzjoni ġenerali għada huwa, 55.7% jivvutaw lil Partit Laburista, 42.2% jivvutaw Partit Nazzjonalista u 2.1% jivvutaw AD/PD jew partiti oħra.
Filfatt jekk jitqabbel mal-elezzjoni ġenerali tas-sena 2017, dan ifisser 0.7% aktar għall-Partit Laburita u 1.5% inqas għal Partit Nazzjonalista.
Meta n-nies ġew mistoqsijin lil liema mexxej ta’ partit l-aktar li tafda f’Malta’, fost il-votanti li vvutaw PL fl-2017, 87.6% qalu li jafdaw l-aktar lil Robert Abela, 7.1% irrifjutaw li jwieġbu jew huma indeċiżi, u 1.1% qalu li ma jafdaw lil ħadd.
Fost il-votanti li ivvutaw PN fl-2017, 64.4% qalu li jafdaw lil Bernard Grech, 15.6% irrifjutaw li jwieġbu jew huma indeċiżi, 6.7 % qalu li jafdaw lil Robert Abela, u 11.1% qalu ‘oħrajn’.
Meta wieħed japplika mudell xjentifiku fuq dawk li rrifjutaw li jwieġbu jew huma indeċiżi, wieħed jkun jista’ jsib replacement xjentifika għal dan il-grupp ta’ nies. Dan il-metodu jissejjaħ Multiple Imputation technique u b’hekk wieħed joħroġ il-figuri aktar ċari tar-riżultati finali ta’ bejn iż-żewġ mexxejja. B’hekk it-tbassir xjentifika tar-riżultat bejn il-mexxejja huwa, 52.9% l-aktar li jafdaw lil Robert Abela, 24.1% l-aktar li jafdaw lil Bernard Grech, 15.1% qalu li ma jafux, 2.7% qalu lil ‘ħadd’ u 5.2% qalu ‘oħrajn’.
Source: talk.mt
